ތުޅާދޫގައި އާ ފުޓްބޯޅަ ދަނޑެއްގެ ޚިދުމަތް އެ ވަނީ ދޭން ފަށާފައެވެ. އެތައް ދުވަހެއްގެ އިންތިޒާރަކަށް ފަހު އެ ދަނޑުގައި އެވަނީ މުބާރާތެއް ފަށާފައެވެ. އެއީ ތުޅާދޫގައި ތައްޔާރު ކުރެވުނު އެންމެ ފުރިހަމަ އެންމެ ބޮޑު ދަނޑެވެ. އެ ދަނޑުގެ އިތުރުން ވެސް ފުޓްސެލް ދަނޑަކާއި އެހެނިހެން ދަނޑުތައް ތުޅާދޫގައި އެބަ ހުއްޓެވެ. އެފަދަ ތަންތަނަށް ނަމެއް ޚާއްޞަ ކުރުމަކީ ދުނިޔޭގެ ތަހުޒީބީ މުޖުތަމަޢުތަކުން ފެންނަ ވަރަށް އާންމު ކަމެކެވެ.
ކުޅިވަރުގެ މައިދާންތަކާއި ދަނޑުތަކަށް ނަން ޚާއްޞަކުރުމަކީ އެ ދަނޑުގެ ދައުރު އިތުރަށް ބޮޑުވާނެކަމެކެވެ. ރަށުގެ އާބާދީއާއި އެހެން ރަށްރަށުގެ ފަރާތްތަކަށް ވެސް ދަނޑުގެ އަގުވަޒަންކުރުމަށް މަގުފަހިވާނެ ކަމެކެވެ. މިފަދަ ކަންކަމުން ދަނޑުތަކަށް ޚާއްސަ ކަމެއް ލިބި، އެ ދަނޑަށް ޚާއްސަ އައިޑެންޓިޓީއެއް ގާއިމުވެއެވެ. ކުޅިވަރުގެ އަގުމަތިވެ ޖަމާޢަތުގެ ހޭލުންތެރިކަން އިތުރުވެ އަގުވަޒަންކުރުމުގެ ރޫހުވެސް އިތުރުވެއެވެ.
ދުނިޔޭގެ އެކި ކަންކޮޅުތަކުގައި ދަނޑުތަކާއި މައިދާންތަކަށް ނަން ޚާއްޞަކުރުމުގައި އެކި އުސޫލު ގެންގުޅެއެވެ. އެފަދަ އުސޫލުތަކުން ބައެއް ކަންކަން ހިއްސާކޮށްލާނަމެވެ.
ތުޅާދޫ ދަނޑުގައި ބާއްވާ މުބާރާތަކަށް ތަން ތައްޔާރުކުރުމުގެ މަސައްކަތުގައި ބަޔަކު ހަރަކާތްތެރިވަނީ
1. ޝަޚުޞިއްޔަތެއްގެ ނަން ދިނުން: ޝަޚުޞިއްޔަތަކަށް ނިސްބަތްކޮށް ނަން ދިނުމަކީ ވަރަށް އާންމު ކަމެކެވެ. މިގޮތުން އެ ކުޅިވަރަކަށް ނުވަތަ އެ ފަންނަކަށް ގިނަގުނަ ޚިދުމަތްތަކެއް ކޮށްފައިވާ މުހިއްމު ޝަޚްސިއްޔަތެއްގެ ނުވަތަ ކުޅިވަރުގެ ތަރިއެއްގެ ނަމުން ދަނޑުތަކަށް ނަންދެއެވެ. މި ކަމުގެ ސަބަބުން އެ ޝަޚުޞިއްޔަތެއްގެ ހަނދާންތައް ދިރުވައި، އަންނަން އޮތް ޖީލުތަކަށް އެ ތަރިއެއްގެ ޚިދުމަތްތައް ފޯރުވައިދިނުމަށް އެހީތެރިވެދެއެވެ. މިގޮތަށް ނަން ކިޔާ އިރު މާ މޮޅު ކުޅުންތެރިއަކަށް ނުވިނަމަވެސް ކުޅިވަރަށް ޚިދުމަތްކުރުމުގައި ނަމޫނާއެއްގެ ގޮތުގައި ފާހަގަކުރެވޭ ނަމަ އެފަދަ ނަމޫނާއަކަށް ނިސްބަތްކޮށް ނަން ކިޔުމަކީ ވެސް ކުރެވިދާނެ ކަމެކެވެ.
2. ސަރަހައްދުގެ ނަން ދިނުން: ތުޅާދޫ ދަނޑު އޮތީ ތުޅާދޫގައެވެ. ތުޅާދޫ އިރު ދެކުނުގައެވެ. ބައެއް ތަންތަނުގައި ނަން ކިޔާފައި ހުންނަނީ ދަނޑު ހުންނަ ސަރަޙައްދަކަށް ނުވަތަ އެ ސަރަހައްދުގެ ތާރީޚީ ގުޅުމަކަށް ނިސްބަތްކޮށެވެ. ތުޅާދޫއަށް ވިސްނާލާ އިރު "ތުޅާދޫ ރަސްމީ ފުޓްބޯޅަދަނޑު" ފަދަ ނަމެއް ޚާއްސަކުރުމަކީ ސަރަހައްދަށް ނިސްބަތްކޮށް ނަންކިޔުން ކަމަށް ބެލެވިދާނެއެވެ.
3.ރަށުވަންތަ ސިފައަކަށް ނިސްބަތްކުރުން: ރާއްޖޭގެ އެކި ކަންކޮޅުތަކުން ބައެއް ރަށްރަށް މަޝްހޫރުވެފައިވާ ޚާއްޞަކަންކަން އެބަ ހުއްޓެވެ. އެގޮތުން ތުޅާދޫއަކީ ލިޔެލާޖެހުމުން މަޝްހޫރުވެފައިވާ ރަށެކެވެ. އެ މަޝްހޫރުކަމާ ކުޅިވަރު ގުޅުވާލެވިދާނެއެވެ. ތުޅާދޫއަކީ "ތުޅާ" ބޭނުންކޮށްގެން ބިމުން ފެން ނަގައިގެން ބުއި ބައެއްކަމަށް މަޝްހޫރު ރަށެކެވެ. "ތުޅާގެ ހަނދާން އާކުރުމަކީ ވެސް ކުރެވިދާނެ ކަމެކެވެ.
ދަނޑުތަކަށް ނަން ޚާއްޞަކުރުމަކީ ކުރެވިދާނެ ކަމެކެވެ. އެކަމުގެ ސަބަބުން، އެ ބޭފުޅުންގެ ނުވަތަ އެ ކަމެއްގެ ނުވަތަ އެ ތަނެއްގެ ހަނދާންތައް ދިރި އެހެން ޖީލުތަކަށް ފޯރުކޮށްދޭނެ ކަމެކެވެ. މީގެ އިތުރުން ދަނޑަށް ރަސްމީ ނަމެއް ދިނުމަކީ ދަނޑުގެ ދާއިމީ މުހިއްމުކަން ރަމްޒުކޮށްދީ، ރަށުގެ ކުޅިވަރުގެ ތަރައްޤީއަށް ލިބިގެންދާނެ ބޮޑު ކުރިއެރުމެކެވެ.
ތުޅާދޫ ފުޓްބޯޅަ ދަނޑަށް ރަސްމީ ނަމެއް ދިނުމަކީ ރަށުގެ ކުޅިވަރު ދާއިރާއަށް ދެވޭ ވަރަށް މުހިއްމު އިސްކަމެކެވެ. މިކަމުގެ ސަބަބުން ދަނޑުގެ ޤަދަރު ބޮޑުވެ، ރަށުގެ ކުޅިވަރު ތަރައްޤީއަށް ހިތްވަރު ލިބިގެންދާނެއެވެ. ވީމާ، މި ދަނޑަށް އެކަށޭނަ ރަސްމީ ނަމެއް ދިނުމަށް އަވަސް ފިޔަވަޅުތަކެއް އެޅުމަކީ ވަރަށް ބޭނުންތެރި ކަމެކެވެ.
