ޔައީޝްއަށް ކެޕްޓަންކަމުގެ މަގާމުގެ ލިޔުމާއި ސްކޫލުގެ އިސް މަގާމުތަކަށް ދަރިވަރުން އައްޔަންކުރި ކަމުގެ ލިޔުން ހަވާލުކުރީ މިއަދު ހެނދުނު ތުޅާދޫ ސްކޫލުގައި އޮތް ޚާއްޞަ ރަސްމިއްޔާތެއްގައެވެ. މި ރަސްމިއްޔާތުގައި ސްކޫލުގެ އިސް މަގާމުތަކާއި ޔުނިފޯމު ހަރަކާތްތަކާއި ކުލަބުތަކުގެ މަގާމުތަކާއި ހައުސްތަކުގެ މަގާމުތަކަށް ހޮވުނު ދަރިވަރުންނަށް ވަނީ މަގާމުގެ ލިޔުން ހަވާލުކޮށްފައެވެ.
މި އަހަރު ތުޅާދޫ ސްކޫލުގެ ޑެޕިއުޓީ ކެޕްޓަނަކަށް ހޮވުނީ ގުރޭޑް10ބީ ގައި ކިޔަވަމުން އަންނަ ރަޔާން އިބްރާހީމެވެ. އެކްޓިވިޓީ ކެޕްޓަނަކަށް ގުރޭޑް10 އޭގެ ދަރިވަރު ފާޠިމަތު ޠޫބާ ޢަބްދުﷲ ޝާހިދު ހޮވުނު އިރު ޑެޕިއުޓީ އެކްޓިވިޓީ ކެޕްޓަނަކަށް ހޮވުނީ 10އޭގެ ދަރިވަރު މަރްޔަމް ޛުރާ ޒާހިދުއެވެ.
ޔުނިފޯމް ހަރަކާތްތަކުން ކެޑޭޓް ލީޑަރަކަށް 10އޭގެ ދަރިވަރު އަލީ އާރިން އަޠީފް ހޮވުނު އިރު ސްކައުޓް ލީޑަރަކަށް ހޮވުނީ 10އޭގެ ދަރިވަރު ޚަލަފް އިބްރާހީމް ރަޝީދެވެ. ގާރލްގައިޑްގެ ލީޑަރަކަށް ހޮވުނީ 10އޭގެ ދަރިވަރު ފާޠިމަތު އާނާ ޢަޡީމްއެވެ.
ބައެއް ދަރިވަރުން ޒިންމާއާ ހަވާލުވުމުގެ ލިޔުމުގައި ސޮއިކުރަނީ
ސްކޫލުގައި ހިންގާ ތަފާތު ކުލަބުތަކުން ދިވެހި ކުލަބުގެ ރައީސަކަށް ގުރޭޑް11ގެ ދަރިވަރު އިފާ ޢަބްދުﷲ މަސީހް ހޮވުނު އިރު، އިނގިރޭސި ކުލަބުގެ ރައީސަކަށް ހޮވުނީ 10އޭގެ ދަރިވަރު ފާޠިމަތު އީލާފް މުޙައްމަދެވެ. ހެލްތު ކުލަބުގެ ރައީސަކަށް 10ބީގެ ދަރިވަރު މުޙައްމަދު އިލާން އަޙުމަދު ޝިފާޢު ހޮވުނު އިރު ތިމާވެށި ކުލަބުގެ ރައީސަކަށް ހޮވުނީ 10އޭގެ ދަރިވަރު އައިޝަތު ނީމް ޢަބްދުﷲ އެވެ. ފަންނާއި މީޑިއާ ކުލަބުގެ ރައީސަކަށް ގުރޭޑް10ބީގެ ދަރިވަރު އައިޝަތު ފަލްކް ފާއިގު ހޮވުނު އިރު ކުޅިވަރު ކުލަބުގެ ރައީސަކަށް ހޮވުނީ 10ބީގެ މާޒް މުޙައްމަދެވެ.
މިއަދުގެ ރަސްމިއްޔާތުގައި ސްކޫލުގެ ހައުސްތަކުގެ މަގާމުތަކަށް ހޮވުނު ދަރިވަރުންނަށް މަގާމުގެ ލިޔުން ހަވާލު ކޮށްފައިވެއެވެ. މޫސަވީ ހައުސްގެ ކެޕްޓަނަކަށް ހޮވުނީ 10ބީގެ ދަރިވަރު ޝާބިލް މުޙައްމަދު ޠަލާލެވެ. ޔޫސުފީ ހައުސްގެ ކެޕްޓަނަކަށް 10އޭގެ ޢާއިޝަތު މަލްހާ އަޙްމަދު ރަޝީދު ހޮވުނު އިރު ޢުޘްމާނީ ހައުސްގެ ކެޕްޓަނަކަށް ހޮވުނީ ގްރޭޑް 11އޭގެ ދަރިވަރު ނާޙީ މުޙައްމަދު ޝިޔާމްއެވެ. އިސްމާޢިލީ ހައުސްގެ ކެޕްޓަނަކަށް ހޮވުނީ ގްރޭޑް10ބީގެ ދަރިވަރު އާލާ އަޙްމަދު ޝާހިދެވެ.
ތުޅާދޫ ސްކޫލަކީ ރާއްޖޭގައި އެންމެ ގިނަ ދުވަސްވީ ސްކޫލުތަކުގެ ތެރެއިން ސްކޫލެކެވެ.
