މި އަހަރުގެ ޖުލައި މަހުގެ 26 ވަނަ ދުވަހު ފެށުމަށް ހަމަޖެހިފައިވާ މި މުބާރާތުގެ ފިރިހެން ޑިވިޝަނުގައި 10 ޓީމެއް ބައިވެރިވެފައިވާ އިރު އަންހެން ޑިވިޝަންގައި 3 ޓީމެއް ބައިވެރިވެފައިވެއެވެ.
މި އަހަރުގެ މުބާރާތުގައި 2023 ވަނަ އަހަރު ތުޅާދޫ ކައުންސިލުން އިންތިޒާމުކޮށްގެން ބޭއްވި ފުޓްސަލް މުބާރާތުގެ ފިރިހެން ޑިވިޝަންގެ ޗެންޕިއަންކަން ހޯދާފައިވާ އަލް ސްޓްރައިކަރގެ އިތުރުން 2023 ވަނަ އަހަރުގެ މުބާރާތުގެ ފިރިހެން ޑިވިޝަންގެ ރަނަރަޕްކަން ހޯދި ޒެފާސް ސްޕޯޓްސް ކުލަބު ބައިވެރިވެފައިވެއެވެ. މީގެ އިތުރުން ދެކުނު ކަންމަތި، ސަކްސަސް ޔުނައިޓެޑް، އެފް ސީ ބިއްލޫރު، ޓަރގެޓް ފުޓުބޯޅަ ޓީމް، ކުލަބު ތޮޅިހެލޭ، ބޮސް ފިޝަރ، އެފް ސީ ބޮސް ފޮޝަރ، އަދި ނޮރިންމަ ޓީމުން ވަނީ މި މުބާރާތުގެ ފިރިހެން ޑިވިޝަނުގައި ބައިވެރިވެފައެވެ.
މި އަހަރުގެ މުބާރާތުގެ އަންހެން ޑިވިޝަންގައި ބައިވެރިވީ އެންމެ ފަހުން ބޭއްވި މުބާރާތުގެ ޗެންޕިއަންކަން ހޯދި ދެކުނު ކަންމަތި ޓީމާއި މިދިޔަ އަހަރު ރަނަރަޕްކަން ހޯދި އެމިޓީ އާއި މި ދިޔަ އަހަރު ވެސް މުބާރާތް ކުޅުނު ނޮރިންމަ ޓީމެވެ.
2023 ވަނަ އަހަރުގެ މުބާރާތުގެ ފައިނަލްގައި ކުޅުނު ދެ ޓީމު
މި އަހަރުގެ މުބާރާތުގެ ބެވަރޭޖް ޕާޓްނަރަކީ ބިޔޯންޑް ބާއެވެ. އަދި މި މުބާރާތުގެ ޕްރިންޓިންގ ޕާޓްނަރެއްގެ ގޮތުގައި ހަރަކާތްތެރިވަނީ ޑީސައިންއިންނެވެ.
