ވަގުތީ ނަތީޖާތައް ދައްކާ ގޮތުން، އަމިއްލަ ގޮތުން ކުރިމަތި ލެއްވި ޙަންނާނުވަނީ 1285 ވޯޓް ހޯއްދަވާފައި ވެއެވެ. ޙަންނާނާ އެންމެ ވާދަކުރެއްވި ޕީއެންސީ ކެންޑިޑޭޓަށް ލިބިވަޑައިގަތީ 762 ވޯޓެވެ. ތިންވަނަ ހޯއްދެވި އެމްޑީޕީގެ ކެންޑިޑޭޓް މުޙައްމަދު ޝަފީޤަށް 363 ވޯޓް ލިބިވަޑައިގެންނެވި އިރު 254 ވޯޓް ހޯއްދަވައިގެން 4 ވަނަ ހޯއްދެވީ އަމިއްލަ ގޮތުން ކުރިމަތި ލެއްވި މުޙައްމަދު ޝަރީފެވެ. މީގެ އިތުރުން ޑިމޮކްރެޓްސްގެ ޓިކެޓްގައި ކުރިމަތި ލެއްވި އަޙުމަދު އަފްރާހަށް 23 ވޯޓް ލިބިވަޑައިގެންނެވި އިރު އަމިއްލަ ގޮތުން ވާދަކުރެއްވި އާދަމް ޝާފިޢުއަށް 14 ވޯޓް ލިބިވަޑައިގަތެވެ. އަދި އަޙުމަދު ތަހުލީމަށް 4 ވޯޓް ލިބިގަޑައިގަތެވެ.
މިއަދު ބޭއްވި އިންތީޚާބުގައި ގިނަ ގޮނޑިތަކެއް ސަރުކާރުން ވަނީ ކާމިޔާބުކުރައްވާފައެވެ. އިދިކޮޅު އެމްޑީޕީއަށް ނެގޭނެކަމަށް ބެލެވެނީ 12 ގޮނޑިއެވެ. އަމިއްލަ ގޮތުން ވާދަކުރެއްވި ކެންޑިޑޭޓުންޓަށް 11 ގޮނޑި ނެގޭނެކަމަށް ބެލެވެއެވެ.
