ރޭ ސަލާހުއްދީން ސްކޫލުގައި ރައީސުލް ޖުމްހޫރިއްޔާ ޑރ. މުޙައްމަދު މަޢިއްޒު ޝަރަފުވެރިކޮށްދެއްވި އަދަބީ މުބާރާތްތަކުގެ ނަތީޖާ ފާޅުކުރި ޖަލްސާގައި ތުޅާދޫ ސްކޫލަށް 2ވަނަ ލިބިފައިވާކަން އިޢުލާންކޮށްފައިވާ އިރު ވާހަކަލިޔުމުގެ ގައުމީ މުބާރާތުން ސާނަވީ ގިންތިން އެންމެ މޮޅު 10 ދަރިވަރުންގެ ތެރޭގައި ތުޅާދޫ ދަރިވަރަކު ހިމެނިފައިވެއެވެ. ވާހަކަލިޔުމުގެ ގައުމީ މުބާރާތުން ސާނަވީ ގިންތިން އެންމެ މޮޅު 10 ދަރިވަރުންގެ ތެރޭގައި ތުޅާދޫ ސްކޫލުން ހިމެނިފައިވަނީ އެ ސްކޫލުގެ އާނާ ޢަލީ ރަޝީދެވެ.
ކުރުވާހަކަ ލިޔުމުގެ ގައުމީ މުބާރާތުން އެންމެ މޮޅު 10 ދަރިވަރުންގެ ތެރޭގައި ހިމެނުނު އާނާ ޢަލީ ރަޝީދު
މީގެ އިތުރުން މަޒުމޫނު ލިޔުމުގެ 40ވަނަ ގައުމީ މުބާރާތުން ދަށު ސާނަވީ ގިންތިން އެންމެ މޮޅު 10 ދަރިވަރުންގެ ތެރޭގައި ވެސް ތުޅާދޫ ދަރިވަރަކު ހިމެނިފައިވެއެވެ. އެއީ ތުޅާދޫ ސްކޫލުގެ ދަރިވަރު ޒީކް އަޝްރަފް ޢަލީއެވެ.
މަޒުމޫނު ލިޔުމުގެ މުބާރާތުން އެންމެ މޮޅު 10 ދަރިވަރުންގެ ތެރޭގައި ހިމެނުނު ޒީކް އަޝްރަފް ޢަލީ
ތުޅާދޫ ސްކޫލުން ވަނީ 2024ވަނަ އަހަރު ދިވެހި ބަހުގެ އެކެޑަމީން ބޭއްވި އަދަބީ އެކި މުބާރާތްތަކުން ކާމިޔާބުތައް ހޯދާފައެވެ. މި އަހަރު ބޭއްވި އަދަބީ މުބާރާތްތަކުގައި ރާއްޖޭގެ ހުރިހާ އަތޮޅަކުން ބައިވެރިވެފައި ވާއިރު ވަރަށް ގިނަ ސްކޫލުތަކުން އަދަބީ މުބާރަތްތަކުގައި ބައިވެރިވެފައިވާކަން ފާހަގަ ކުރެވެއެވެ.
