އެ ކުލަބުން އެކަން އިއުލާނުކުރީ އެ ކުލަބުގެ 22ވަނަ ގުރްއާން މުބާރާތް ނިންމުމުގެ ރަސްމިއްޔާތުގައި ވާހަކަދައްކަވަމުން އެ ކުލަބުގެ ރައީސް ޙުސައިން ރަޝީދުއެވެ.
ޑިސެންބަރު މަހުގެ 2ވަނަ ދުވަހު ތުޅާދޫ މަލްޓިޕާޕަސް ހޯލުގައި ބޭއްވި އެ ރަސްމިއްޔާތުގައި ކުލަބުގެ ރައީސް ޙުސައިން ރަޝީދު ވިދާޅުވީ 2030ވަނަ އަހަރުގެ ޑިސެމްބަރު މަހުގެ 31ވަނަ ދުވަހުގެ ނިޔަލަށް ހާފިޒުކަމުގެ ސަނަދު ހާސިލުކުރާ ތުޅާދޫގެ ފުރަތަމަ ރަށްވެއްސަކަށް އެކި ފަރާތްތަކުން 130،000 ރުފިޔާގެ ހުށަހަޅާފައިވާ ކަމަށެވެ. ތަފްސީލްތައް ދެއްވަމުން ޙުސައިން ރަޝީދު ވިދާޅުވީ ތުޅާދޫގައި ގުރްއާން ހިތުދަސްކުރާ ހާފިޒުންގެ އާރެއް އުފެއްދުމަށް ބާރުއެޅުމުގެ ގޮތުން އިނާމް ހުށަހަޅާފައިވަނީ ތުޅާދޫ ސްޕޯރޓްސް ކުލަބުންނާއި ތުޅާދޫގައި ކިޔަވާދިނުމުގެ ހިދުމަތް ކުރައްވާފައިވާ އަގުހުރި ދެ ބޭފުޅެއްގެ ހަނދާނަށް ކަމަށެވެ.
މިގޮތުން އިނާމު ހުށަހަޅުއްވާފައިވަނީ
މި އިނާމު އިޢުލާން ކުރި ތުޅާދޫ ސްޕޯޓްސް ކުލަބަކީ ގުރުއާން މުބާރާތް ބާއްވައި އަދި ގައުމީ ފެންވަރުގައި ބާއްވާ އެކި މުބާރާތްތަކުން ތުޅާދޫ ދަރިވަރުންނަށް ފުރުޞަތު ހޯދައިދޭ ޚިދުމަތްތެރި ޖަމިއްޔާއެކެވެ. މި ކުލަބުގެ ނަމުގައި ކީރިތި ގުރުއާން ކިޔެވުމުގެ 37 ވަނަ ގައުމީ މުބާރާތުގައި ބައިވެރިވި ތުޅާދޫ ދަރިން ވަނީ ތުޅާދޫއަށް ރީތި ނަން ހޯދައިދީފައެވެ.
