މި އަހަރުގެ ވަޅުޢީދު ދުވަހުގެ ހަވީރު ތުޅާދޫ ފުޓްބޯޅަ ދަނޑުގައި ކުޅުނު މި މެޗު، ތުޅާދޫގެ 35 އަހަރުން މަތީގެ ޓީމުން ކާމިޔާބުކުރީ 2-0ގެ ނަތީޖާއަކުންނެވެ.
މުބާރާތުގެ ތާރީޚަށް ބަލާ އިރު 2024ވަނަ އަހަރުގެ ބޮޑު ޢީދުގައި ތުޅާދޫ ޓީމު ވާދަކުރީ ހިތާދޫ ޓީމާ ދެކޮޅަށެވެ. އެ މެޗު 2 ލަނޑު 0 ލަނޑުން މޮޅުވީ ތުޅާދޫ ޓީމެވެ. 2025ވަނަ އަހަރު މެޗު ކިހާދޫއާ ދެކޮޅަށް ކުޅެފައިވާ އިރު އެ މެޗު ނިމުނީ އެއްވަރު ވެގެންނެވެ.
ތުޅާދޫގެ ޓީމު
ފޯރިގަދަ ކުޅުމެއް ފެނުނު މި މެޗުގައި ދެ ރަށުގެ ހުނަރުވެރި ކުޅުންތެރީންގެ ކުޅުން ފެނިފައިވާ އިރު މި މެޗު ޝަރަފުވެރިކޮށްދެއްވީ ގައުމީ ފުޓްބޯޅަ ޓީމުގެ ކުރީގެ ކޯޗު ޢަލީ ސްޒޭންއެވެ. ތުޅާދޫގައި ކުރިއަށް ގެންދިޔަ މި މެޗަކީ ތުޅާދޫގެ 35 އަހަރުން މަތީގެ ކުޅުންތެރީން، ފުޓްބޯޅައިގައި އިތުރަށް ދެމިތިބުމަށް ހިތްވަރު ދިނުމަށާއި ދެ ރަށުގެ ގުޅުން އިތުރަށް ބަދަހިކޮށް އީދުގެ ފޯރި އިތުރުކުރުމަށް ޓަކައި ކުރިއަށް ގެންދިޔަ މެޗެކެވެ.
ގޮއިދޫގެ ޓީމު
މި އަހަރުގެ މެޗަކީ ވެސް ވަރަށް ކާމިޔާބު އަދި އެކުވެރިކަމުގެ ރީތި ނަމޫނާ ފެނިގެން ދިޔަ މެޗެކެވެ.
މެޗު ޝަރަފްވެރިކޮށްދެއްވި ކުރީގެ ގައުމީ ކޯޗާއި ކައުންސިލްގެ ރައީސް (މެދުގައި)
